Ekskluzive | E mori për kafe, i tha se vetëm do të bisedonin në motelin “Delfin” – arrestohet i dyshuari për dhunimin e 28-vjeçares

Ekskluzive | E mori për kafe, i tha se vetëm do të bisedonin në motelin “Delfin” – arrestohet i dyshuari për dhunimin e 28-vjeçares

Ekskluzive | E mori për kafe, i tha se vetëm do të bisedonin në motelin “Delfin” – arrestohet i dyshuari për dhunimin e 28-vjeçares

Një zhvillim i ri ka ndodhur në hetimet për rastin e dyshuar të dhunimit seksual në Llapnasellë të Graçanicës, ku një 28-vjeçare kishte denoncuar se i dashuri e kishte dërguar në motel kundër dëshirës së saj dhe më pas kishte kryer marrëdhënie seksuale pa pëlqimin e saj. Pas veprimeve hetimore, i dyshuari është paraqitur në Polici dhe është ndaluar për 48 orë, mëson ekskluzivisht Gazeta Sinjali.

Sponsor 3M Express

Burimet e Sinjalit bëjnë të ditur se bëhet fjalë për një 29-vjeçar, i cili është paraqitur më 18 nëntor në Njësinë e Hetimeve në Prishtinë, i shoqëruar nga avokati i tij mbrojtës.

Rasti ishte denoncuar më 16 nëntor, kur gruaja kishte deklaruar se një ditë më parë i dashuri, me të cilin ishte në lidhje prej rreth tri javësh, kishte shkuar ta merrte nga shtëpia për të dalë për kafe.

Sipas denoncimit, gjatë rrugës ai i kishte thënë se do të shkonin në motel, por ajo e kishte kundërshtuar.

Pavarësisht refuzimit, sipas deklarimit të saj, i dyshuari kishte vazhduar drejt motelit “Delfin” në Llapnasellë, duke hyrë me veturë në garazhin e objektit.

Pasi dera e garazhit ishte mbyllur, ai i kishte thënë se vetëm do të bisedonin.

Gruaja ka deklaruar se kishte hezituar të hynte në dhomë, por i dyshuari e kishte kapur për dore dhe e kishte futur brenda.

Sipas rrëfimit të saj, ai i kishte thënë se do të kryenin marrëdhënie seksuale pavarësisht dëshirës së saj dhe më pas dyshohet se e kishte detyruar të kryente marrëdhënie pa pëlqim.

Pas ngjarjes, sipas deklarimit të viktimës, i dyshuari e kishte kthyer me veturë deri pranë shtëpisë.

Hetuesit kishin dalë në motelin “Delfin”, ku nga të dhënat e kamerave të sigurisë kishin identifikuar një veturë BMW me ngjyrë të bardhë, të cilën dyshohet se e drejtonte personi i denoncuar.

Gruaja ishte dërguar për ekzaminim mjekësor, ndërsa sipas informacioneve fillestare, gjatë kontrollit ishin evidentuar shenja që mbështesnin dyshimin për dhunim.

Zhvillimi i ri ka ndodhur më 18 nëntor, kur personi i dyshuar është paraqitur në njësinë hetimore së bashku me avokatin e tij.

Pas intervistimit në prani të mbrojtësit, Prokurori i Shtetit ka marrë vendim për ndalimin e tij për 48 orë.

Rasti po hetohet për veprën penale “Dhunim”, ndërsa i dyshuari gëzon prezumimin e pafajësisë.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

OVL e UÇK-së kërkon përshpejtimin e ndryshimeve në Ligjin për Specialen

OVL e UÇK-së kërkon përshpejtimin e ndryshimeve në Ligjin për Specialen

Policia interviston 6 zyrtarë të Komunës së Prishtinës, përfshirë drejtorin e Inspekcionit

Policia interviston 6 zyrtarë të Komunës së Prishtinës, përfshirë drejtorin e Inspekcionit

Buxheti i vitit të ardhshëm, Murati: Fokusi te mbështetja e kategorive jashtë tregut të punës

Buxheti i vitit të ardhshëm, Murati: Fokusi te mbështetja e kategorive jashtë tregut të punës