DASH miraton shitjen e dy sistemeve raketore HIMARS për Shqipërinë, Nufi: FA me kapacitete goditëse në distanca të gjata

DASH miraton shitjen e dy sistemeve raketore HIMARS për Shqipërinë, Nufi: FA me kapacitete goditëse në distanca të gjata

DASH miraton shitjen e dy sistemeve raketore HIMARS për Shqipërinë, Nufi: FA me kapacitete goditëse në distanca të gjata

Ministri i Mbrojtjes, Ermal Nufi, ka bërë të ditur se Shtetet e Bashkuara të Amerikës kanë miratuar shitjen e mundshme të dy sistemeve të artilerisë raketore M142 HIMARS për Shqipërinë.

Sponsor 3M Express

Përmes një postimi në Facebook, Nufi theksoi se paketa, me vlerë rreth 210 milionë dollarë, përfshin gjithashtu municione, trajnimin e efektivëve shqiptarë dhe mbështetje për mirëmbajtjen e sistemeve.

Sipas tij, pajisja me këto sisteme synon të rrisë kapacitetet mbrojtëse të Forcave të Armatosura dhe të forcojë kontributin e Shqipërisë në NATO.

Njoftimi i plotë i ministrit:

Shqipëria ka kërkuar të pajiset me dy sisteme të artilerisë raketore M142 HIMARS. Departamenti Amerikan i Shtetit ka miratuar shitjen e mundshme dhe ka njoftuar Kongresin amerikan.

Paketa e propozuar, me vlerë të përllogaritur prej 210 milionë dollarësh, përfshin edhe municione, trajnim për ushtarakët shqiptarë dhe mbështetje për mirëmbajtjen e sistemeve. Për financimin e saj parashikohet një kredi nga programi amerikan i financimit ushtarak – FMF.

E mirëpresim këtë hap në bashkëpunimin me Shtetet e Bashkuara. Me këto sisteme, Forcat e Armatosura të Shqipërisë do të fitonin aftësinë për të vepruar me saktësi në distanca të gjata, duke forcuar mbrojtjen e vendit dhe kontributin tonë në NATO”. /Telegrafi/

Lexo edhe

Ekskluzive: Rrahman Hoti, i dyshuari për vrasjen në Suharekë, ishte dëbuar nga Zvicra për vrasjen e gruas së tij

Ekskluzive: Rrahman Hoti, i dyshuari për vrasjen në Suharekë, ishte dëbuar nga Zvicra për vrasjen e gruas së tij

Arda Güler vazhdoi kontratën me Real Madridin

Arda Güler vazhdoi kontratën me Real Madridin

Gati 300 mijë fëmijë që jetojnë jashtë Gjermanisë marrin ndihma familjare, shumica janë nga Polonia

Gati 300 mijë fëmijë që jetojnë jashtë Gjermanisë marrin ndihma familjare, shumica janë nga Polonia