Arlinda duket se është penduar për mënyrën se si e ka shprehur pëlqimin ndaj Norës, pasi kjo temë është komentuar gjerësisht nga banorët brenda shtëpisë së “Big Brother VIP Kosova”.

Së fundmi, ajo ka zhvilluar një bisedë me Jonën, gjatë së cilës ka shprehur shqetësimin për mënyrën se si është interpretuar deklarata e saj për Norën.
Pas një përqafimi nga Jona, Arlinda ka sqaruar se ndjenjat që ka shprehur nuk kanë natyrë erotike, por janë krejtësisht normale dhe lidhen me raportin mes dy shoqeve.
“Po luajnë me ndjenjat e mia, që nuk janë hiç erotike, beso, janë shumë normale, të rrish me një shoqe. Thashë ‘pëlqim’, i kam rënë pishman që e kam thënë atë gjë. Si e morën!”, u shpreh Arlinda.
Ndërkohë, Jona i tha se banorët e tjerë e kanë marrë deklaratën e saj më seriozisht nga sa ishte në të vërtetë.
Arlinda, nga ana tjetër, shtoi se sipas saj, kjo temë po përdoret nga të tjerët për lojë.
Burimi: Insajderi





