Ambasadori i Shteteve të Bashkuara të Amerikës në Shqipëri, Eric Wendt ka zhvilluar këtë të shtunë një takim me kreun e Prokurorisë së Posaçme kundër Korrupsionit dhe Krimit të Organizuar, Klodian Braho.

Takimi u zhvillua në ambientet e Prokurorisë së Posaçme, ku ambasadori Wendt ishte i shoqëruar nga anëtarë të delegacionit diplomatik dhe zyrtarë të tjerë amerikanë, të cilët u pritën në ambientet e SPAK-ut.

Ky takim vjen pas atij të katër ditëve më parë, kur ambasadori amerikan u takua me dy drejtuesit e institucioneve të drejtësisë, përkatësisht kreun e SPAK-ut, Klodian Braho dhe drejtorin e BKH-së, Joni Keta.

Ambasada në njoftimin e takimit theksoi se, “Lufta kundër krimit transnacional, trafikut të narkotikëve dhe migracionit të paligjshëm është ndër përparësitë kryesore të Presidentit Donald Trump”.

“Ambasadori Eric Wendt, u takua me drejtuesit e SPAK-ut për të diskutuar rolin vendimtar të institucioneve të pavarura në përballimin e këtyre sfidave dhe se si partneriteti ynë kontribuon për një të ardhme më të sigurt e më të begatë për të dy kombet tona”, theksoi më tej ambasada në njoftimi e saj të katër ditëve më parë.

Burimi: RTKLive