4 burra shpallen fajtorë për abuzim seksual ndaj një gruaje që drogohej nga bashkëshorti i saj

4 burra shpallen fajtorë për abuzim seksual ndaj një gruaje që drogohej nga bashkëshorti i saj

4 burra shpallen fajtorë për abuzim seksual ndaj një gruaje që drogohej nga bashkëshorti i saj

Katër burra në Britani të Madhe janë shpallur fajtorë të enjten për përdhunim dhe abuzim seksual ndaj një gruaje, e cila drogohej nga ish-bashkëshorti i saj dhe më pas u ofrohej për marrëdhënie seksuale personave të panjohur.

Sponsor 3M Express

Joanne Young zbuloi se ish-bashkëshorti i saj e kishte droguar vazhdimisht dhe e kishte reklamuar në internet për marrëdhënie seksuale me persona të panjohur për më shumë se një dekadë, transmeton klankosova.tv.

Ish-bashkëshorti i saj, Philip Young, 50-vjeçar dhe ish-këshilltar lokal, kishte pranuar fajësinë në janar për më shumë se 50 akuza ndaj saj, përfshirë 11 raste përdhunimi, si dhe akuza që lidhen me incizimin e abuzimeve dhe publikimin e tyre në internet qindra herë.

“Ky abuzim ma ka marrë jetën që njihja deri atëherë. Personi të cilit i besoja më shumë në botë më tradhtoi në mënyrën më të tmerrshme”, deklaroi Joanne Young para gjykatës.

Sipas BBC, abuzimet u zbuluan nga policia vetëm pasi një llogari e lidhur me Philip Young publikoi në internet materiale me përmbajtje seksuale me kafshë në vitin 2024. Pas kësaj, autoritetet sekuestruan pajisjet e tij elektronike, ku gjetën video dhe fotografi që dokumentonin abuzimet ndaj gruas.

Ndërkohë, Agjencia Kombëtare e Krimit në Britani bëri të ditur këtë vit se kishte zbuluar një “rrjet vërtet ndërkombëtar” të përdhunimeve dhe sulmeve seksuale të lehtësuara përmes drogave, i cili organizohej në internet dhe kishte anëtarë në vende të ndryshme të botës.

Zyrtarë të zbatimit të ligjit nga 10 shtete, përfshirë Shtetet e Bashkuara të Amerikës, janë duke bashkëpunuar në një operacion ndërkombëtar për të goditur këto krime.

Joanne Young ka kërkuar që rasti i saj të shërbejë si shtysë për rishikimin e legjislacionit mbi pëlqimin në marrëdhëniet seksuale.

“Ky rast ngre pyetje serioze se si ligji e trajton çështjen e pëlqimit. I bëj thirrje qeverisë që ta trajtojë këtë çështje si prioritet, në mënyrë që gratë të jenë të mbrojtura siç duhet në të ardhmen”, deklaroi ajo.

Lexo edhe

Ekspozuan armë në rrjete sociale, policia ua sekuestron një pushkë automatike dhe një snajper

Ekspozuan armë në rrjete sociale, policia ua sekuestron një pushkë automatike dhe një snajper

“Më ke bërë shumë padrejtësi e intriga sa ishe gjallë”, mbesa e Qumilit reagon pas ndarjes nga jeta të hallës

“Më ke bërë shumë padrejtësi e intriga sa ishe gjallë”, mbesa e Qumilit reagon pas ndarjes nga jeta të hallës

Ford Mustang Fastback me 840 kuaj fuqi ndërthur dizajnin klasik me teknologjinë moderne

Ford Mustang Fastback me 840 kuaj fuqi ndërthur dizajnin klasik me teknologjinë moderne