Ndihmësi i Kremlinit, Yuri Ushakov, tha të martën se presidenti rus, Vladimir Putin, presidenti amerikan, Donald Trump, dhe presidenti kinez, Xi Jinping, mund të zhvillojnë një takim trepalësh në samitin e ardhshëm të forumit për Bashkëpunim Ekonomik Azi-Paqësor (APEC).
Kur u pyet në televizionin shtetëror për mundësinë e një takimi të tillë, Ushakovi tha: “Kjo çështje është diskutuar, po”, raporton agjencia e lajmeve “Reuters”.
Ai tha se të tre presidentët pritet të marrin pjesë në samit, duke shtuar: “Dhe nëse del ashtu siç është thënë, atëherë të tre do të mund të kenë një takim.”
Ushakovi foli në Bishkek, kryeqytet i Kirgistanit, ku Putini dhe Xi kishin marrë pjesë në një mbledhje të Organizatës së Shangait për Bashkëpunim.
Shtëpia e Bardhë nuk iu përgjigj menjëherë një kërkese për koment rreth kësaj çështjeje.
The post Kremlini thotë se Trumpi, Putini e Xi mund të zhvillojnë një takim trepalësh appeared first on Gazeta Express.
