Kosova e ka nisur me fitore aventurën në Ligën B të Ligës së Kombeve, duke e mposhtur Irlandën me rezultat 1:0 në stadiumin “Fadil Vokrri” në Prishtinë.
Golin e fitores për “Dardanët” e shënoi kapiteni Vedat Muriqi, shtatë minuta para përfundimit të ndeshjes.
Muriqi ishte i pafat në dy raste gjatë ndeshjes, kur topi nuk arriti të përfundonte në rrjetë pasi u largua nga vija e portës.
Në minutën e 73-të, në lojë u inkuadrua Ermal Krasniqi. Ai gjuajti me të majtën nga zona, por topi u devijua dhe përfundoi në transversale.
Nga topi i kthyer përfitoi Muriqi, i cili nga afërsia nuk gaboi dhe shënoi për 1:0, duke i siguruar Kosovës një fitore të rëndësishme.
Në këtë ndeshje për Kosovën debutoi edhe talenti Erblin Osmani, i cili sezonin e kaluar kishte debutuar me Bayern Munichun në Bundesligën gjermane.
