Policia e Kosovës, ka njoftuar se ka arrestuar një person në Brezovicë, për posedim të narkotikëve.
Policia ka shtuar se i arrestuar është një 27 vjeçar, dhe se, kanë konfiskuar 1,063 gramë substancë e dyshuar narkotike e llojit marihuanë, dy peshore digjitale, një çantë krahu e zezë, një thikë metalike dhe një telefon celular.
Komunikata:
Në bashkëngjitje keni komunikatën e radhës nga DRP-Ferizaj
KOMUNIKATË PËR MEDIA
Arrestohet një person për posedim të dyshuar të narkotikëve në Brezovicë
Me datën 19.08.2026, rreth orës 23:30 njësitet policore të stacionit policor në Shtërpcë kanë pranuar një informatë lidhur me gjetjen e substancës së dyshuar narkotike në një villë të pabanuar në Brezovicë.
Pas pranimit të informatës, policia ka dalë në vendin e ngjarjes, ku gjatë kontrollit të personit të dyshuar, mashkull, kosovar, 27 vjeç, i janë gjetur substancë e dyshuar narkotike e llojit marihuanë dhe dy peshore digjitale.
Nën dyshimin se i dyshuari mund të posedonte edhe substanca të tjera narkotike, është kontrolluar edhe një villë tjetër, ku është gjetur një sasi tjetër e dyshuar marihuane.
Në cilësi të provave materiale janë konfiskuar gjithsej 1,063 gramë substancë e dyshuar narkotike e llojit marihuanë, dy peshore digjitale, një çantë krahu e zezë, një thikë metalike dhe një telefon celular.
Lidhur me rastin është njoftuar Drejtoria për Hetimin e Narkotikëve, e cila ka marrë përsipër procedimin e mëtejshëm të rastit. Po ashtu, është njoftuar prokurori i shtetit, i cili ka autorizuar intervistimin e të dyshuarit dhe ka lëshuar aktvendim për ndalimin e tij për 48 orë, për procedura tjera hetimore.
The post Kontrollohen dy vila në Brezovicë, policia konfiskon mbi 1 kilogram marihuanë, arrestohet 27-vjeçari appeared first on Gazeta Express.
