Zëvendëskryeministri dhe ministri i Jashtëm i Kosovës, Glauk Konjufca si dhe Ministri për Punë, Familje dhe Vlera të Luftës Çlirimtare, Andin Hoti do të jenë në Hagë nesër në përcjellje të aktgjykimit ndaj ish-krerëve të UÇK-së.
Lajmin e ka konfirmuar për Dukagjinin zëdhënësi i Qeverisë, Arlind Manxhuka.
Sipas Manxhukës, Konjufca dhe Hoti do ta përcjellin aktgjykimin nga galeria e Dhomave të Specializuara të Kosovës.
Konjufca kishte qenë në Hagë edhe gjatë fjalëve përfundimtare në rastin ndaj ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi.
Aktgjykimi në këtë çështje do të shpallet nesër, më 16 shtator, në orën 10:00.
