Komuna e Pehçevës ka hedhur poshtë iniciativën për ndërtimin e një qendre të dhënash në fshatin Pançarevë. Nëntë këshilltarët që përbëjnë Këshillin Komunal votuan kundër, duke e refuzuar kështu këtë iniciativë unanimisht.
Iniciativa që u vu në rend dite të seancës së sotme, më parë shkaktoi reagime tek disa parti, por edhe tek eko-aktivistët.
Në mungesë të një debati publik, ata shprehën shqetësim për ndikimin e mundshëm në mjedis, pavarësisht qëndrimit të autoriteteve se ndërtimi i qendrave të të dhënave në Maqedoni është një domosdoshmëri.
Ndërtimi i qendrës së të dhënave në Pehçevë vjen pas ndryshimeve në ligjet për ndërtimin dhe planifikimin urban, të cilat u dhanë qendrave të të dhënave statusin e ndërtesave me rëndësi kombëtare.
Përveç kësaj, për ata u vendos procedurë e përshpejtuar në të cilën shqyrtimi nga ekspertët dhe anketa publike nuk janë të detyrueshme.
