Rajoni jugperëndimor i Japonisë, Kyushu, është goditur nga më shumë se 100 lëkundje pasuese që nga tërmeti me magnitudë 6.8 të së martës, i cili la të vdekur të paktën 13 persona.
Shumë të tjerë raportohet se janë në gjendje “arresti kardiopulmonar” – një term që përdoret shpesh në raportimet paraprake në Japoni, para se vdekja të konfirmohet zyrtarisht, raporton BBC.
Në mes të temperaturave përvëluese, ekipet e shpëtimit po gërmojnë në rrënojat e një fabrike letre dhe të një qendre tregtare në prefekturën Kumamoto, në kërkim të personave të bllokuar. Qendra tregtare u përfshi nga një shpërthim rreth një orë pas goditjes së tërmetit.
Kryeministrja japoneze Sanae Takaichi paralajmëroi se shpëtimi i personave të bllokuar është “vërtet një garë me kohën”.
Mijëra njerëz janë strehuar në qendra evakuimi, ndërsa shumë të tjerë kanë mbetur pa energji elektrike.
The post Japonia nuk gjen qetësi, mbi 100 pasgoditje lëkundin vendin pas tërmetit vdekjeprurës appeared first on Gazeta Express.
