Ministria e Jashtme e Iranit ka akuzuar Shtetet e Bashkuara të Amerikës për shkelje të armëpushimit në rajonin e Hormozganit, pranë Ngushticës së Hormuzit, duke paralajmëruar se Teherani do të përgjigjet dhe nuk do të hezitojë të mbrojë veten.
Sipas deklaratës së ministrisë, ushtria amerikane ka kryer sulme gjatë natës së të hënës në jug të Iranit, duke goditur objektiva që përfshijnë anije që dyshohet se po vendosnin mina, si dhe pozicione për lëshimin e raketave.
“Shtetet e Bashkuara kryen një shkelje të rëndë të armëpushimit në rajonin Hormozgan në 48 orët e fundit… Irani e mban regjimin amerikan përgjegjës për të gjitha pasojat që vijnë nga këto veprime agresive dhe të pajustifikuara”, thuhet në deklaratën e ministrisë së jashtme të Iranit, transmeton The Guardian.
Nga ana tjetër, ushtria amerikane i ka përshkruar këto sulme si veprime mbrojtëse. Situata në rajon mbetet e tensionuar, ndërsa Ngushtica e Hormuzit konsiderohet një nga pikat më strategjike për transportin global të naftës
The post Irani pretendon se SHBA-ja shkeli marrëveshjen e armëpushimit me sulmet e natës appeared first on Gazeta Express.
