Ndryshimet në kujtesë mund të fillojnë që në moshën e mesme, shumë më herët nga sa mendohej më parë, sugjeron një studim i ri bazuar në skanime të trurit.
Studiuesit analizuan aktivitetin e trurit te rreth 60 persona të moshës 18 deri në 74 vjeç, duke u fokusuar te hipokampusi, zona e trurit që luan rol të rëndësishëm në formimin dhe rikujtimin e kujtimeve.Rezultatet treguan se ndryshime në mënyrën se si truri lidh dhe rikthen informacionin mund të shfaqen që në moshën e mesme. Studiuesit vunë re gjithashtu se disa procese të lidhura me kujtesën mund të fillojnë të dobësohen që në të 50-at.
Megjithatë, autorët theksojnë se këto gjetje nuk nënkuptojnë se problemet e kujtesës në moshën e mesme janë domosdoshmërisht shenjë e demencës apo e një sëmundjeje neurologjike. Studime të mëtejshme nevojiten për të kuptuar se si këto ndryshime evoluojnë me kalimin e moshës.
