Hezbollahu ka deklaruar se ka marrë garanci nga Irani se në fazën e ardhshme të bisedimeve me Shtetet e Bashkuara do të kërkohet tërheqja e trupave izraelite nga Libani.
Sipas Reuters, duke iu referuar zyrës për marrëdhënie me media të grupit, kjo çështje pritet të jetë pjesë e negociatave mes Teheranit dhe Uashingtonit.
Ndërkohë, sekretari i përgjithshëm i Hezbollahut, Naim Qassem, ka shprehur “mirënjohje të thellë” ndaj kryetarit të parlamentit iranian, Mohammad Bagher Ghalibaf, për qëndrimin e tij ndaj Libanit.
Në një postim të publikuar në kanalin Telegram të televizionit Al-Manar, Qassem e falënderon për qëndrimin “të fortë dhe mbështetës” ndaj Libanit, duke përfshirë kërkesën për ndaljen e operacioneve ushtarake izraelite si një nga kushtet kryesore të marrëveshjes SHBA–Iran.
