Nënkryetari i LDK-së, Lutfi Haziri ka deklaruar se gjatë historisë së saj politike, Lidhja Demokratike e Kosovës nuk ka dështuar asnjëherë në zbatimin e marrëveshjeve politike me subjektet tjera.
Në Debat Plus, Haziri tha se LDK, që nga periudha e pasluftës e deri më sot, nuk ka pasur marrëveshje bashkëpunimi që nuk është respektuar.
Ai theksoi se partia ka qenë gjithmonë e qëndrueshme në marrëveshje, duke shtuar se “çdo gjë që ka thënë LDK e ka bërë, LDK dhe e mban fjalën”.
“LDK-se nuk i ka ndodhë prej vitit që ne ekzistojmë e deri më sot, marrëveshje bashkëpunimi me ba me dikë mos me zbatu. 38 vjet i bëjmë këtë vit, merre periudhën e pasluftës nuk i ka ndodhë LDK-së me i dështu marrëveshja kurrë. Ne kemi thënë nëse jemi 25 nuk i këna tri vota kemi thënë që i kemi 23 vota. Ne sot i kemi 18 deputetë…”, ka deklaruar ai.
I pyetur për votat e deputetëve të zgjedhur të LDK-së si Hykemte Bajramit, Arben Gashi e Avdullah Hoti në kontekst të bashkëpunimit me Lëvizjen Vetëvendosje, Haziri tha se kjo është çështje e brendshme e LDK-së.
“Nuk është problem i LVV-së, është i LDK-së”, ka deklaruar ai.
