Në prag të 4 Korrikut, Ditës së Pavarësisë së Shteteve të Bashkuara të Amerikës, ish-kryetari i Aleancës për Ardhmërinë e Kosovës (AAK) në Gllogjan ka pritur një delegacion nga Shtetet e Bashkuara të Amerikës.
Përmes një postimi në Facebook, ai bëri të ditur se delegacioni përbëhej nga profesorët Daniel Serwer dhe Edward Joseph, Mario Marquez, Ramiz Tafilaj, si dhe shqiptaro-amerikanë të tjerë.
Sipas tij, angazhimi i tyre për Kosovën mbetet me rëndësi të veçantë për rrugën e vendit drejt rikthimit të partneritetit strategjik me aleatët, veçanërisht me SHBA-të.
“Angazhimi i tyre ndaj Kosovës është shumë me vlerë për rrugën dhe përcaktimet drejt rikthimit në partneritetin strategjik me aleatët, posaçërisht me Shtetet e Bashkuara të Amerikës”, ka shkruar ai.
Me këtë rast, në shenjë respekti dhe mirënjohjeje për kontributin dhe mbështetjen e vazhdueshme ndaj Kosovës, ai u ka ndarë Daniel Serwerit dhe Mario Marquez medaljen “Me besim në Zot, Atdhe e Shtet”./teve1.info/
