Safet Gjocaj, invalid i luftës dhe ish-kandidat për deputet, ka folur për KosovaLive lidhur me situatën pas largimit të KFOR-it nga Ura e Ibrit në Mitrovicë.
Gjocaj ka shprehur mosbesim ndaj deklaratave të politikanëve për zhvillimet në veri, duke ironizuar me mënyrën se si, sipas tij, disa prej tyre përpiqen të shmangin tensionet në atë pjesë të vendit.
“Unë nuk u besoj çka thonë politikanët, e sidomos ata që nuk e dijnë alfabetin e shkojnë dhe bëjnë ahengje atje në veri, lëshojnë tri-katër këngë në shqip, ndoshta edhe me leje nga Beogradi, për të mos bërë trazira”, ka thënë Gjocaj.
Ai ka vënë në pikëpyetje mundësinë që qytetarët serbë të veriut të mos reagojnë ndaj zhvillimeve të fundit.
“Ku mendoni ju që, së paku, serbët nëse s’ju konvenon kjo situatë nuk do të dilnin në protesta?”, ka thënë Gjocaj.
Në këtë kontekst, ai ka rikujtuar edhe rastet kur gazetarët janë sulmuar fizikisht në veri.
“Gazetarët dikur janë sulmuar fizikisht kur serbët kanë konsideruar se situata nuk po ju konvenon atyee”, është shprehur ai, duke përmendur edhe sulmet e mëhershme ndaj pjesëtarëve të misioneve ndërkombëtare në veri.
Gjocaj ka pretenduar se zhvillimet në veri mund të jenë të koordinuara me Beogradin, duke iu referuar edhe deklaratave të mëhershme të bëra në media.
The post Gjocaj: Nuk u besoj politikanëve, ndoshta këngët shqipe në veri po i lëshojnë me leje nga Beogradi appeared first on Gazeta Express.
