Ministrja e Drejtësisë, Donika Gërvalla, në një konferencë për media ka thënë e s’mund të japë komente për aktgjykimin e Gjykatës Speciale me arsyetimin se ende s’është publikuar aktgjykimi i plotë.
Ajo në këtë konferencë ka dhënë edhe detaje të parave që shteti i Kosovës ka ndarë për ekipet mbrojtëse të personave të akuzuar nga Haga.
“Deri në shtator 2026 janë paguar 40 milionë e 611 mijë e 855 euro për mbrojtjen dhe obligimet e tjera”, ka deklaruar Gërvalla.
Për Thaçin, Veselin, Krasniqin dhe Selimin, Gërvalla ka thënë se janë shpenzuar rreth 29 milionë euro.
“Për katër personat e akuzuar shuma totale e paguar është 28 milionë e 470 mijë.S’kemi detyrime të papaguara”, është shprehur ajo.
“Në asnjë moment s’kam parë tendencë as para se të vija e as sot që e drejtoj këtë ministri, që mjetet financiare të jenë sfida për të cilën do të mund të mos vendosej drejtësia edhe në Hagë”, ka thënë Gervalla.
The post Gërvalla thotë se s’pranon të komentojë vendimin e Hagës pa e parë aktgjykimin e plotë, tregon sa para janë shpenzuar për mbrojtje appeared first on Gazeta Express.
