Dy persona janë arrestuar në Lipjan nën dyshimin për përfshirje në një përleshje fizike pas një mosmarrëveshjeje në trafik.
Sipas Policisë, rasti ka ndodhur më 28.06.2026 rreth orës 21:40, ku dy të dyshuar meshkuj kosovarë janë rrahur mes veti pas një konflikti në komunikacion.
Gjatë intervenimit policor, nga të dyshuarit janë konfiskuar një pistoletë me 3 fishekë, një çelës gomash dhe një bisht sopate.
Policia ka bërë të ditur se me vendim të prokurorit, të dyshuarit janë dërguar në mbajtje, ndërsa rasti po hetohet nga organet kompetente. /Telegrafi/
