Presidenti serb, Aleksandar Vuçiq, ka deklaruar se javën e ardhshme do të formohet një grup ekspertësh që do të merret me çështjen e ndërtimit të një hidrocentrali pranë Ribariqit.
“Do të shihni se këtë e kishte kërkuar dikur Komuna e Novi Pazarit, këtë e kishte kërkuar, nëse nuk gaboj, Këshilli Boshnjak apo ndonjë organizatë e tillë, për shkak të ndërtimit të një hidrocentrali të vogël pranë Ribariqit, ashtu siç edhe kam thënë”, tha Vuçiq, duke iu përgjigjur pyetjes së gazetarëve për të komentuar faktin se BE-ja nuk është deklaruar lidhur me pretendimet për rrahjen e Nenad Rashkoviqit, ndërsa reagon ndaj deklaratave të tij për ndryshimin e mundshëm të rrjedhës së lumit Ibër.
Vuçiq shtoi se ekziston edhe dokumentacioni paraprak projektues për projektin e hidrocentralit të vogël pranë Ribariqit.
“Ekziston një dokumentacion paraprak projektues, por së shpejti, tashmë javën e ardhshme, do të formohet një grup ekspertësh që do ta shqyrtojë të gjithë këtë dhe do të merret me këtë çështje”, tha Vuçiq gjatë vizitës në kompaninë “Ukras” në Veliki Popoviq, pranë Despotovcit.
The post “Devijimi i Ibrit”, zbulohet Vuçiq: Javën e ardhshme formohet grupi punues për ndërtimin e hidrocentralit në Ribariq appeared first on Gazeta Express.
