Aktivistja feministe në Kosovë, Adelina Tërshani i është bashkuar Lëvizjes Vetëvendosje, njoftoi kryetari i kësaj partie, Albin Kurti.
Kryeministri në detyrë njoftoi në një postim në Facebook se ajo “do të jetë edhe kandidate për deputete”.
“Me kënaqësi njoftojmë bashkimin e Adelina Tërshanit me Lëvizjen VETËVENDOSJE!, e cila do të jetë edhe kandidate për deputete në legjislaturën e ardhshme. Si aktiviste e njohur feministe dhe autore, Adelina sjell një përvojë mbi dhjetëvjeçare në mbrojtje të të drejtave të grave, të rinjve dhe komuniteteve të margjinalizuara, duke i bashkuar kauzat sociale me punën konkrete në terren dhe hulumtimin e politikave publike”, shkroi Kurti.
”Me formim akademik në Gazetari dhe Menaxhim të Konflikteve, studime të kryera në Itali, ajo përfaqëson një zë intelektual dhe kritik që e pasuron programin tonë për drejtësi shoqërore. Përmes angazhimit të saj në institucione dhe artit si formë rezistence, Adelina do të vazhdojë betejën për barazi edhe brenda Kuvendit të Kosovës”, shtoi ai.
The post Adelina Tërshani i bashkohet LVV-së, Kurti: Përfaqëson një zë intelektual dhe kritik appeared first on Gazeta Express.
