Izraeli planifikon të padisë gazetën The New York Times dhe një nga gazetarët e saj për shpifje për shkak të një artikulli që thoshte se ushtarët izraelitë dhe rojet e burgut kishin përdorur dhunë seksuale të përhapur kundër të burgosurve palestinezë.
Kryeministri izraelit Benjamin Netanyahu ka deklaraur të enjten se ka udhëzuar këshilltarët e tij ligjorë “të merrnin në konsideratë veprimet më të ashpra ligjore” kundër gazetës dhe Nicholas Kristof, një gazetar veteran i cili raportoi historinë në fjalë, shkruan Reuters.
“Ne do t’i luftojmë këto gënjeshtra në gjykatën e opinionit publik dhe në gjykatë. E vërteta do të triumfojë”, ka shkruar Netanyahu.
Netanyahu nuk ka treguar se ku ose kur do të ngrihej padia. Ai gjithashtu kërcënoi të padiste gazetën gushtin e kaluar për një artikull në lidhje me urinë në Gaza, por nuk e zbatoi atë./Express/
The post Izraeli paralajmëron padi ndaj gazetës amerikane “New York Times” pas shkrimit për dhunimin e të burgosurve nga Palestina appeared first on Gazeta Express.
