“Mora fjalë” është hequr nga YouTube, duke mos qenë më e disponueshme në versionin e saj origjinal në platformë.
Kënga e njohur, e interpretuar nga Shkurte Fejza dhe e kushtuar figurës së Adem Jasharit, ndër vite ka marrë zemrat e mijëra shqiptarëve dhe ka grumbulluar dhjetëra miliona shikime në YouTube.
Sipas informacioneve, heqja e këngës lidhet me Naim Gjoshin, autorin e saj, i cili ka shprehur më herët pakënaqësi lidhur me përdorimin e veprës dhe të drejtat e autorit.
Gjoshi ka pretenduar se, pavarësisht se është autori i këngës, nuk ka përfituar nga përdorimi i saj.
Një kërkim në YouTube tregon se versioni origjinal i “Mora fjalë” nuk gjendet më në platformë, ndërsa janë ende të pranishme video të ndryshme nga studio televizive, koncerte dhe evente ku kënga është interpretuar.
“Mora fjalë” konsiderohet një prej këngëve më të njohura shqiptare të dekadave të fundit dhe është interpretuar në shumë raste e ceremoni nga artistë të ndryshëm.
Deri më tani, as Naim Gjoshi dhe as Shkurte Fejza nuk janë prononcuar publikisht për heqjen e këngës nga YouTube.
Mbetet për t’u parë në vazhdim se si qëndron kjo histori, derisa mbetet gjithçka vetëm në kuadër të aludimeve. /Telegrafi
The post “Mora fjalë” nuk gjendet më në YouTube, heqja e këngës ngre pikëpyetje appeared first on Gazeta Express.
