Buna Mustafa, vajza e Salih Mustafës, i njohur si komandant Cali, ka thënë në Marshin për Liri se Ushtria Çlirimtare e Kosovës nuk ishte rastësi, por domosdoshmëri historike.
“UÇK-ja nuk ka qenë rastësi, por ka qenë domosdoshmëri historike. Një ushtri që u zgjua nga populli dhe krijoi një uniformë dhe nuk terrorizoi asnjë civil e nuk dhunoi asnjë fëmijë të etnisë tjetër, kundër një ushtrie që na shkaktoi mbi 13 mijë viktima civile, dhunoi mbi 20 mijë nëna e motra tona, i zhduku 1,500 qytetarë dhe kreu 400 masakra”- ka deklaruar Mustafa.
“Drejtësia nuk mund të barazojë çlirimtarët me xhelatët serbë, nuk mund të barazojë ata që sollën lirinë me ata që kryen gjenocid”- ka thënë ajo.
Mustafa ka thënë se përmes gjykimit të ish-pjesëtarëve të UÇK-së po tentohet të goditet themeli i lirisë së Kosovës.
Ajo ka përmendur Hashim Thaçin, Kadri Veselin, Jakup Krasniqin, Rexhep Selimin, Pjetër Shalën dhe babanë e saj, Salih Mustafën, si njerëzit që, sipas saj, ishin në vendin e duhur në momentin e duhur në historinë e Kosovës.
Në fund, Buna Mustafa ka përcjellë një thënie të babait të saj, Salih Mustafa.
“Lufta e UÇK-së ishte e drejtë, e domosdoshme dhe e pashmangshme”- ka thënë ajo.
The post Vajza e Salih Mustafës: Drejtësia s’mund të barazojë ata që sollën lirinë me ata që kryen gjenocid appeared first on Gazeta Express.
