Kryetari i Prishtinës, Përparim Rama, ka deklaruar se projekti për transformimin e hapësirës në Tulltore në Qendër për Zhvillimin e Artit, Kulturës dhe Teknologjisë pritet të votohet sot.
Rama ka thënë se toka nuk do të falet, por do të jepet në shfrytëzim, ndërsa sipas tij Kryeqyteti do të përfitojë rreth 1 milion euro në vit.
Ai ka theksuar se pas përfundimit të periudhës së shfrytëzimit, si toka ashtu edhe objekti i ndërtuar do t’i mbeten Kryeqytetit.
“Po e marrim një pronë që sot nuk i sjell Kryeqytetit veç probleme, po e vendosim në funksion të zhvillimit dhe po krijojmë një aset që i sjell Kryeqytetit të hyra, vende pune dhe zhvillim”, ka deklaruar Rama.
Projekti parasheh edhe ndërtimin e një parkingu nëntokësor, me synim lehtësimin e qasjes drejt qendrës së qytetit.
The post Rama: Toka nuk falet, projekti për Tulltoren votohet sot appeared first on Gazeta Express.
