Seanca konstituive ka shkuar në pauzë prej 30 minutash.
Kryeparlamentarja e zgjedhur, Albulena Haxhiu, ka bërë të ditur se me partitë nuk është arritur dakordimi për mënyrën e votimit të nënkryetarëve të Kuvendit.
Haxhiu u shpreh se ka propozime që të gjithë të votohen në një pako dhe se ka rezerva nga të tjerë për këtë formë.
Ajo po ashtu ka kërkuar nga Lista Serbe që emrin e nënkryetarit ta propozojë me shkrim.
Kujtojmë se Lëvizja Vetëvendosje ka propozuar deputetin Ardian Gola për postin e nënkryetarit të Kuvendit të Kosovës, ndërsa Lidhja Demokratike e Kosovës ka propozuar Kujtim Shalën.
PDK-ja ka propozuar për nënkryetare Vlora Çitaku.
Ndërkohë, nga Lista Serbe për nënkryetar është propozuar Sllavko Simiq, ndërsa Grupi Parlamentar 6+ ka propozuar Emilja Rexhepin.
Grupet parlamentare janë ftuar nga Haxhiu për të diskutuar formën e votimit të nënkryetarëve.
