Gazetari shqiptar, Ardit Rada, në një analizë të tij ka zbërthyer propagandën e “Sputnik Srbija” lidhur me emërimin e shefit të ri të Zyrës së BE-së në Prishtinë, gjermanin Dirk Schuebel.
Rada në një shkrim në “Kosovo Dispatch”, shkruan se si tabloidi propagandues rus që vazhdon të funksionojë në Serbi i papenguar, “mëson” audiencën serbe se si duhet t’i marrin vlerësimet e deklarimet e Schuebel kur i njëjti do të flasë për serbët në Kosovë, Veriun dhe për problemin Kosovë-Serbi.
Gazetari shqiptar thotë se në këtë tekst të publikuar nga Sputnik Srbija, vetëm një ditë pas marrjes së detyrës nga ambasadori i ri i Bashkimit Evropian në Kosovë, Dirk Schuebel, synohej ta paraqitej diplomati gjerman si të njëanshëm ndaj Serbisë që në nisje të mandatit.
Në këtë tekst të Sputnik, flet analisti Stevica Dedanski, i cili vendos theksin tek kombësia gjermane e Schuebelit dhe e lidh këtë me historinë e raporteve “gjermano-serbe”. Derisa “si njollë” në biografinë e Shcuebel përmendet fakti që regjimi i Lukashenkos e kishte akuzuar për ndërhyrje në zgjedhjet e Bjellorusisë dhe më pas i kishin kërkuar që të largohej nga Bjellorusia.
Rada thotë se ky kornizim i propagandës ruse për Schuebel ishte gati para se diplomati gjerman të arrinte në Kosovë për të marrë detyrën.
Analisti që flet për “Sputnik Srbija”, mundohet ta paraqesë emërimin e Schuebel një vendim të BE-së si “kundërpërgjigje ndaj politikës amerikane”.
“Pretendimi qendror i Deđanskit është se ky emërim është “Bashkimi Evropian që ua kthen goditjet amerikanëve”, të cilët, nën administratën e tanishme, kanë vendosur “të dëgjojnë, pak a shumë, Serbinë dhe serbët në Kosovë për çështjet themelore të të drejtave të njeriut”.”, shkruan Rada.
The post Analiza e gazetarit Ardit Rada: Si u aktivizua propaganda ruse në Serbi kundër ermit të Dirk Schuebel- shefit të Zyrës së BE në Kosovë appeared first on Gazeta Express.
