Prokuroria Themelore në Mitrovicë ka ngritur aktakuzë ndaj të pandehurit N.S., për shkak se dyshohet se nën ndikim të alkoolit dhe pa patentë shoferë ka shkaktuar një aksident trafiku me fatalitet.
Më 23 korrik 2026, në rrugën nacionale Mitrovicë–Prishtinë, i pandehuri N.S., duke drejtuar automjetin pa patentë shoferi dhe nën ndikimin e alkoolit, ka shkaktuar aksident trafiku, në atë mënyrë që, derisa ishte duke lëvizur në krahun dhe shiritin e kundërt të rrugës, ka goditur një automjet që ishte duke lëvizur në drejtimin e rregullt.
Si pasojë e aksidentit, ka ndërruar jetë pasagjerja M.V., ndërsa tre pasagjerë të tjerë kanë pësuar lëndime trupore. Po ashtu, janë shkaktuar dëme materiale në automjete dhe në mbrojtëset e rrugës.
Prokuroria Themelore në Mitrovicë, me rastin e ngritjes së aktakuzës ka kërkuar nga gjykata që të pandehurin ta shpallë fajtorë për veprën e kryer penale dhe t’i japë dënim meritor sipas ligjit.
The post Aktakuzë ndaj personit që nën ndikim të alkoolit shkaktoi aksident ku mbeti e vdekur një grua appeared first on Gazeta Express.
