Policia e Kosovës ka njoftuar se një person është arrestuar në fshatin Janjevë të Lipjanit, nën dyshimin se ka kryer veprën penale “Hyrje në sistemet kompjuterike”.
“Është arrestuar i dyshuari mashkull kosovar, nën dyshimin se i njëjti ka kryer veprën e lartcekur, duke hapur profile false në emër të viktimës femër kosovare”, thuhet në raportin e Policisë së Kosovës.
Rasti ka ndodhur më 1 shtator 2026, rreth orës 09:50.
“Me vendim të prokurorit, i dyshuari pas intervistimit është dërguar në mbajtje”, njofton Policia.
