Një konflikt ka ndodhur mes dy vëllezërve mbrëmjen e kësaj të marte në qytetin e Korçës. Sipas të dhënave paraprake, ngjarja ka ndodhur brenda banesës së familjes, ku dy vëllezërit janë konfliktuar për motive të dobëta. Gjatë përplasjes, njëri prej tyre dyshohet se ka goditur me sëpatë vëllanë e tij, duke e plagosur në shpatull.
Pas ngjarjes, autori është larguar nga banesa, por nuk ka mundur të qëndrojë gjatë në arrati. Forcat e Komisariatit të Policisë së Korçës kanë bërë të mundur kapjen dhe shoqërimin e tij vetëm pak minuta pas incidentit.
Ndërkohë, i plagosuri është transportuar drejt Spitalit të Korçës, ku ka marrë ndihmën e nevojshme mjekësore. Sakaq, grupi hetimor po punon për zbardhjen e plotë të ngjarjes.
The post Sherr mes dy vëllezërve në Korçë, plagoset me sëpatë njëri prej tyre appeared first on Gazeta Express.
