Mijëra njerëz u mblodhën në qytetin e vogël spanjoll të Buñol të mërkurën për luftën vjetore me domate, si pjesë e festivalit La Tomatina, duke e lyer qytetin me të kuqe me domate të pjekura.
Kamionët e ngarkuar me domate hapën rrugën përmes turmave dhe njerëzit hidhnin domate drejt turmës nga kamionët. Bluzat e tyre të bardha shpejt u bënë rozë dhe të kuqe ndërsa këngët pop dëgjoheshin nga altoparlantët.
Eventi zgjati më shumë se një orë në qytet, ku ndërtesat ishin të mbuluara me mushama para se të fillonin festimet. Festivali, i cili zhvillohet të mërkurën e fundit të gushtit, i ka rrënjët në një luftë me ushqime të vitit 1945.
La Tomatina u bë një traditë vjetore përpara se diktatori spanjoll, gjenerali Francisco Franco, ta ndalonte atë në vitet 1950. Vëmendja e mediave televizive në vitet 1980 ndihmoi që festivali të shndërrohej në një ngjarje kombëtare dhe përfundimisht në një atraksion ndërkombëtar
Më shumë se 20,000 njerëz pritej të merrnin pjesë këtë vit, dhe agjencia spanjolle e lajmeve EFE raportoi këtë javë se afërsisht 40 përqind e pjesëmarrësve në tre vitet e fundit ishin turistë nga jashtë Spanjës.
Ka pasur një rritje të konsiderueshme të vizitorëve nga India vitet e fundit, pas filmit Bollywood të vitit 2011 “Zindagi Na Milegi Dobara” (“Ti jeton vetëm një herë”), në të cilin tre miq udhëtojnë nëpër Spanjë gjatë një feste të zgjatur beqarie. Filmi rikrijoi La Tomatina, duke ua prezantuar festivalin shumë indianëve.
The post Mijëra njerëz në Spanjë morën pjesë në luftën më të madhe me domate në botë appeared first on Gazeta Express.
