Burime brenda prokurorisë kanë bërë të ditur për RTK-në se seanca e parë gjyqësore ndaj Fatmir Shehollit do të mbahet më 7 shtator, në orën 09:30.
Sheholli po përballet me aktakuzë për shpiunazh dhe shantazh nga Prokuroria Speciale.
Sipas aktakuzës, ai dyshohet se ka bashkëpunuar me Shërbimin Informativ dhe të Sigurisë së Serbisë (BIA), ndërsa në një rast tjetër akuzohet për shantazh ndaj një biznesmeni.
Sipas aktakuzës, nga një periudhë e papërcaktuar deri më 9 tetor 2025, Fatmir Sheholli dyshohet se ka vepruar si person i rekrutuar nga BIA dhe sipas udhëzimeve të një zyrtari të lartë të këtij shërbimi, Bojan Dimiç.
Në dosje thuhet se Dimiç ishte drejtor i Drejtorisë Kundër Terrorizmit dhe Krimit të Organizuar Ndërkombëtar në kuadër të BIA-s.
The post RTK për rastin Sheholli: Seanca e parë gjyqësore më 7 shtator appeared first on Gazeta Express.
