Java e fundit e muajit gusht pritet të karakterizohet nga mot i nxehtë dhe kryesisht i qëndrueshëm, me intervale të gjata me diell dhe vranësira të herëpashershme.
Sipas parashikimit meteorologjik, temperaturat do të jenë mbi vlerat mesatare për këtë periudhë të vitit, veçanërisht gjatë ditës.
Në disa zona, temperaturat maksimale pritet të arrijnë deri në 35–36°C.
Gjatë pjesës së dytë të javës pritet një rritje e lehtë e temperaturave, ndërsa vranësirat lokale, kryesisht në zonat malore, mund të sjellin reshje të izoluara.
E hëna pritet të jetë me mot të kthjellët dhe vranësira të pakta. Temperaturat minimale do të lëvizin nga 12°C deri në 17°C, ndërsa maksimalet nga 29°C deri në 34°C.
Era do të fryjë nga veriperëndimi me shpejtësi 1–3 m/s.
Moti i nxehtë pritet të mbizotërojë gjatë ditëve në vijim, me temperaturat më të larta kryesisht gjatë orëve të mesditës dhe pasdites. /Telegrafi/
