Përfaqësuesja e Lartë e Bashkimit Evropian për Politikën e Jashtme dhe Sigurinë, Kaja Kallas, ka dënuar sulmin rus ndaj një qendre tregtare në Kryvyi Rih të Ukrainës, ku humbën jetën 16 persona dhe u plagosën rreth 130 të tjerë.
Në një reagim në X, Kallas e cilësoi sulmin si një terror të planifikuar me qëllim për t’i bërë qytetet ukrainase të pabanueshme.
“Ky është terror i planifikuar. Rusia dëshiron t’i bëjë qytetet ukrainase të pabanueshme”, shkroi Kallas.
Russia’s attack against a shopping centre in Kryvyi Rih shows the absolute and utter depravity of Moscow’s war.
— Kaja Kallas (@kajakallas) August 21, 2026
This is terror by design. Russia wants to make Ukrainian cities unliveable.
I am putting forward the most far-reaching Russia sanctions listings since the start of…
Ajo njoftoi gjithashtu se po propozon paketën “më gjithëpërfshirëse” të sanksioneve ndaj Rusisë që nga fillimi i luftës.
“Po propozoj listimet më të gjera të sanksioneve ndaj Rusisë që nga fillimi i luftës. Presioni duhet të intensifikohet derisa Moska t’i japë fund luftës”, deklaroi Kallas.
Kallas bëri të ditur se ministrat e Jashtëm dhe të Mbrojtjes të vendeve të BE-së do të diskutojnë zgjerimin e mbështetjes për Ukrainën, përfshirë forcimin e mbrojtjes ajrore dhe kundër raketave.
Takimi pritet të zhvillohet në Dublin pas më pak se dy javësh.
The post Kaja Kallas dënon sulmin rus në Ukrainë me 16 viktima: Ky është terror i planifikuar, Moska synon t’i bëjë qytetet ukrainase të pabanueshme appeared first on Gazeta Express.
