Ministri i Brendshëm në detyrë, Xhelal Sveçla, gjatë një konference për media ka falënderuar EULEX’in për ndihmën e dhënë në gërmimet e bëra në Zubin Potok.
Sveçla, në fjalën e tij, ka kërkuar nga bashkësia ndërkombëtare që të rrisin presionin ndaj Serbisë që t’i bëjnë publike informacionet që kanë lidhur me vrasjet e kohës së luftës.
‘’Shikoni unë nuk harrova të falënderoj ekspertët e EULEX’it, të cilët na kanë ndihmu gjatë procesit të zhvarrimit të mbetjeve në këto tri masakra. Por po ashtu duhet të ritheksoj thirrjen të gjithë akterëve të bashkësisë ndërkombëtare që të rrisin presionin ndaj Serbisë dhe qeverisë së saj, në mënyrë që ata të bëjnë publike të gjitha informacionet që kanë lidhur me vrasjet e kohës luftës, por po ashtu, edhe të dorëzojnë të gjithë kriminelët gjatë luftës kanë kryer krime në Kosovë. Nuk mjaftojnë deklaratat për media, na duhet hapa konkret në raportin bashkësi ndërkombëtare – Serbi, në mënyrë që Serbia dhe qeveria e saj të detyrohen të sillen në situatë ku ata hapin arkivat. Ju e dini që qeveria aktuale ka vazhdu dosjet e brigadave të tëra me i mbyllë, me shpalljen e atyre dosjeve si sekret, jo vetëm se nuk po i zbulojnë informatat por po i betojnë qasjen e tyre kundërshtuese ndaj zbulimit të informatave”, ka thënë ai.
The post Gërmimet në Zubin Potok – Sveçla falënderon EULEX’in për ndihmën gjatë zhvarrimeve appeared first on Gazeta Express.
