Ushtruesja e detyrës së presidentes Albulena Haxhiu, ka udhëtuar sot drejt Tarantos së Italisë, ku do të marrë pjesë në ceremoninë hapëse të Lojërave Mesdhetare “Taranto 2026”.
Haxhiu do të marrë pjesë edhe në pritjen e organizuar nga Presidenti i Italisë, Sergio Mattarella, për krerët e shteteve dhe përfaqësuesit e lartë të vendeve pjesëmarrëse.
Kosova do të përfaqësohet në 17 sporte individuale dhe katër sporte ekipore, me gjithsej 163 sportistë, numri më i madh i përfaqësimit të Kosovës deri më tani në Lojërat Mesdhetare.
“Taranto 2026” ka rëndësi të veçantë për Kosovën, pasi Lojërat e ardhshme Mesdhetare do të mbahen në Prishtinë në vitin 2030.
The post Haxhiu udhëton në Itali për hapjen e Lojërave Mesdhetare “Taranto 2026” appeared first on Gazeta Express.
