Një shofer është gjobitur me 150 euro dhe një pikë negative pasi lejoi një pasagjer ta nxirrte trupin jashtë automjetit përmes dritares së kulmit në Suharekë.
Policia ka bërë të ditur se rasti ishte raportuar nga një qytetar më 15 gusht, përmes aplikacionit “Lajmëro Policinë”.
Në pamjet e dërguara shihej pasagjeri i dalë mbi automjet gjatë lëvizjes në rrugën “Brigada 123”.
Pas pranimit të informatës, Drejtoria Rajonale e Policisë në Prizren e ka identifikuar kundërvajtësin dhe më 18 gusht i ka shqiptuar gjobën.
Policia u ka bërë thirrje të gjithë pjesëmarrësve në komunikacion që t’i respektojnë rregullat e trafikut dhe t’i shmangin shpejtësinë e lartë e sjelljet e rrezikshme, me qëllim të mbrojtjes së jetës dhe sigurisë së qytetarëve.
The post Pasagjeri nxori gjysmën e trupit nga vetura, shoferi gjobitet me 150 euro appeared first on Gazeta Express.
