Deri në një orë po zgjasin pritjet për qytetarët që po dalin nga Kosova përmes pikës kufitare në Merdarë.
Sipas të dhënave të fundit të Qendrës Kombëtare për Menaxhim Kufitar, fluksi më i madh aktualisht është regjistruar në Merdarë, ku pritjet në dalje arrijnë deri në 60 minuta, raporton Dukagjini.
Situatë më e lehtë paraqitet në pikën kufitare te Dheu i Bardhë, ku qytetarët po presin deri në 25 minuta për të dalë nga vendi.
Në pikat e tjera kufitare, qarkullimi po zhvillohet normalisht dhe pa pritje të theksuara.
Fluks i shtuar ishte regjistruar edhe mbrëmjen e kaluar. Në Merdarë, pritjet për dalje nga Kosova kishin arritur deri në 70 minuta.
