Zjarret në Omish të Kroacisë kanë arritur deri ne plazh. Qindra njerëz u evakuuan gjatë natës. Skenat janë të tmerrshme dhe fakti që edhe shezlongjet në plazh u dogjën flet shumë për ashpërsinë e zjarrit.
Gjatë natës iu ofrua ndihmë mjekësore 36 personave dhe, sipas informacionit të marrë nga Index.hr, shtatë persona pësuan djegie të rënda dhe janë në gjendje të rëndë.
Shtëpi, makina dhe anije të shumta u dogjën dhe dëmet janë të mëdha.
Sipas komandantit kryesor të zjarrfikësve, nuk ka më zjarr të hapur dhe situata është nën kontroll. Katër autocisterna ajrore ndërhynë gjithashtu këtë mëngjes, por ato u ridrejtuan në Peljeshac, ku po digjet një zjarr i madh.
Për shkak të zjarrit të madh pranë Omishit, Autostrada Adriatike dhe rruga anësore janë të mbyllura dhe shoferëve u këshillohet të përdorin rrugë alternative të trafikut.
The post Zjarri në bregdetin kroat arriti deri në pazh (pamje) appeared first on Gazeta Express.
