Ambasadori i Shqipërisë në Maqedoninë e Veriut, Denion Meidani, ka reaguar lidhur me 25 vjetorin e Marrëveshjes së Ohrit, duke thënë se, më 13 gusht 2001, RMV zgjodhi marrëveshjen mbi konfliktin dhe ndërtoi një rend kushtetues modern dhe më të drejtë mbi barazinë, përfaqësimin e drejtë, përdorimin zyrtar të gjuhëve dhe decentralizimin.
Meidani, ka thënë edhe se, sot, misioni është ende që të zbatohet marrëveshja, plotësisht.
‘’ Gjuha Shqipe sipas ligjit, përfaqësimi i drejtë dhe adekuat me garanci reale dhe decentralizimi funksional janë detyrime dhe standarde mbi të cilat është ndërtuar paqja e vitit 2001 dhe e ardhmja evropiane.’’, ka shkruar mes tjerash ai.
Postimi:
🇦🇱🇲🇰 25 vjet nga Ohri!
Më 13 gusht 2001, Maqedonia e Veriut zgjodhi marrëveshjen mbi konfliktin dhe ndërtoi një rend kushtetues modern dhe më të drejtë: mbi barazinë, përfaqësimin e drejtë, përdorimin zyrtar të gjuhëve dhe decentralizimin.
Marrëveshja Kornizë e Ohrit ishte gurthemeli për mënyrën se si do të funksiononte shteti më tej. Ajo çimentoi një të vërtetë që sot nuk mund të relativizohet: shqiptarët janë pjesë shtetformuese e Maqedonisë së Veriut dhe të drejtat e tyre janë pjesë integrale e vetë arkitekturës kushtetuese të shtetit! ⚖️
Pas 25 vitesh, misioni mbetet NJË, i thjeshtë dhe i palëkundur: ta zbatojmë Marrëveshjen. Plotësisht, çdo ditë dhe pa kthim pas! Gjuha Shqipe sipas ligjit, përfaqësimi i drejtë dhe adekuat me garanci reale dhe decentralizimi funksional janë detyrime dhe standarde mbi të cilat është ndërtuar paqja e vitit 2001 dhe e ardhmja evropiane.🇪🇺
🇦🇱 Shqipëria do të jetë gjithmonë pranë të drejtave të shqiptarëve dhe pranë një Maqedonie të Veriut sovrane, demokratike dhe evropiane. Këto dy qëndrime nuk përjashtojnë aspak njëri-tjetrin. Përkundrazi, një shtet është më i fortë kur qytetarët e tij janë, dhe ndihen, të përfshirë e të barabartë.
Urime 25-vjetorin e Marrëveshjes Kornizë të Ohrit. 🇦🇱🇲🇰
🇦🇱🇲🇰 25 vjet nga Ohri!
— Ambassador Denion Meidani (@DenionMeidani) August 13, 2026
📜 Më 13 gusht 2001, Maqedonia e Veriut zgjodhi marrëveshjen mbi konfliktin dhe ndërtoi një rend kushtetues modern dhe më të drejtë: mbi barazinë, përfaqësimin e drejtë, përdorimin zyrtar të gjuhëve dhe decentralizimin.
Marrëveshja Kornizë e Ohrit ishte… pic.twitter.com/HS8Kl8w4wX
The post 25 vjetori i Marrëveshjes së Ohrit, ambasadori shqiptar në RMV: Të zbatohet plotësisht, Gjuha Shqipe është detyrim appeared first on Gazeta Express.
