Deputeti i Partisë Demokratike të Kosovës, Përparim Gruda, mbajti një konferencë për media në hollin e Kuvendit, ku u pyet nëse PDK-ja do ta çojë në Gjykatën e Kushtetuese shkeljen e aktgjykimit të kësaj gjykate lidhur me moskonstituimin e Kuvendit.
Gruda tha se kjo do të ishte të kërkohet “interpretim mbi interpretimin”.
“Në Gjykatë Kushtetuese dërgohen për interpretim normat, përkatësisht nenet e Kushtetutës së Kosovës. Në Gjykatë Kushtetuese, në asnjë vend normal nuk dërgohet për interpretim vendimi i Gjykatës Kushtetuese, se do të ishte të kërkosh interpretim mbi interpretimin”, tha ai.
Gruda tha se kjo do të ishte “absurde”.
“Gjykata Kushtetuese ka dhënë një interpretim, dhe ka thënë se brenda 30 ditëve jo vetëm duhet të fillohet, por duhet të kryhet konstituimi. Do të ishte absurde të dërgohet interepretimi për interpretim. Sepse pushteti do që ta krijojë këtë absurditet, me thënë ‘çojeni për interpretim edhe një herë interpretimin’. Më falni, por është qesharake”, tha ai.
Sipas Grudës, “rendi kushtetues i Kosovës tashmë është përmbysur”.
“Rendi kushtetues i një vendi përmbyset ditën kur mekanizmat kushtetues të paraparë për ta mbrojtur sistemin, nuk respektohen. Në këtë rast, Gjykata Kushtetuese. Nuk respektohet vendimi i saj, prandaj neve na duhet rezistencë tjetër, politike, qytetare”, tha ai.
The post Gruda: S’mund të dërgohet për interpretim një interpretim i Gjykatës Kushtetuese, pushteti e do këtë absurditet appeared first on Gazeta Express.
