Një defekt në linjën e tensionit 20 kV, që furnizon me energji stacionin e pompave në Fushë Milot, ka shkaktuar probleme të përkohshme me furnizimin me ujë në disa zona të Durrësit.
Për shkak të defektit, stacioni i pompave qëndroi jashtë funksionit nga ora 22:30 e mbrëmjes së djeshme deri në orën 06:00 të mëngjesit të sotëm. Sipas njoftimit të ujësjellësit të Durrësit shkak i defektit kanë qenë erërat e forta.
Probleme me furnizimin me ujë pritet të ketë në fshatrat Shkallë, Sektor Rinia, Arapaj, Xhafzotaj dhe Rrashbull.
Pas punës gjatë gjithë natës, defekti u riparua në orën 06:00 dhe stacioni i pompave rinisi punën. Ujësjellësi i Durrësit kërkon mirëkuptimin e qytetarëve për situatën e përkohshme. /A2CNN/
