Vlora Çitaku, deputete e Partisë Demokratike të Kosovës, ka mbajtur një konferencë për media pas tensioneve të sotme në Kuvend, lidhur me situatën politike.
Çitaku, ka thënë se kjo parti, do të jetë aktive çdo ditë, dhe se, edhe nesër do të jetë në Kuvend, përcjell Gazeta Express.
‘’Ne sërish do të bëjmë kërkesë për seancë pas 48 orësh. Dhe aktiviteti ynë nuk do të kufizohet në vetëm brenda këtij institucioni, ai do të zhvendoset edhe jashtë Kuvendit në forma më të gjera të mobilizimit demokratik dhe qytetar. Kur po flas jashtë mureve të kuvendit, po flas edhe për bashkëbisedime me qytetarë, me mjekë, studentë, përfaqësues të shtresave të ndryshme të shoqërisë. Sepse ky kaos politike, anarki kushtuese e prek secili. Nuk bëhet fjalë për dhënie betimi, zgjedhje kryeri e nënkryetarësh, shteti është i bllokuar. Këtë nuk do ta lejojmë, do ta shihni në ditët në vijim që PDK do të jetë aktive çdo ditë. Ne do të jemi çdo ditë në Kuvend. Kërkesën zyrtare do ia dorëzojmë Deharit sërish. Nesër do të jemi në Kuvend në pritje, dhe do të ketë edhe aktivitete të tjera.”, ka thënë ajo.
The post Çitaku: Edhe nesër do të jemi në Kuvend, sërish do bëjmë kërkesë për seancë – PDK do të jetë aktive appeared first on Gazeta Express.
