Kryetari i Aleancës, Ardian Gjini, ka reaguar pas zhvillimeve të fundit politike në vend, duke akuzuar kryeministrin në detyrë, Albin Kurti, për dëmtim të interesave të Kosovës dhe cenim të imazhit të saj.
Gjini vlerëson se situata aktuale po shkakton shqetësim te qytetarët dhe miqtë ndërkombëtarë të Kosovës, ndërsa po gëzon, sipas tij, kundërshtarët e shtetit, njofton Dukagjini.
Ai e akuzoi Kurtin se po e çon vendin në një drejtim të rrezikshëm dhe me pasoja të dëmshme për të ardhmen e Kosovës.
“Sonte Kosovën e shohin me dhimbje qytetarët dhe miqtë tanë! Sonte Kosovën e shohin me gëzim të gjithë armiqtë. Albin Kurti, ti po ia qet faqen e zezë vendit tonë. Po e fut në një rrugë të rrezikshme, në drejtim shkatërrues. Ke për t’u gjykuar rëndë për këtë fatkeqësi që po gatuan. Kosova jonë ka me u forcu, e me u rrit, pa ty. Përkundër dëmit që po ia shkakton. Ndërsa edhe ata që të ndjekin qorrazi, njëjtë do të përfundojnë”, ka shkruar Gjini.
