Kryetari i VV’së, Albin Kurti, është deklaruar pas ndërprerjes së seancës konstituive, duke thënë se, udhëheqësit e LDK’së dhe deputetët e tyre kanë deklaruar edhe publikisht se duhet të merren vesh për të gjitha.
Kurti ka thënë se iniciativat për takimet lidhur me situatën politike, po i merr ai, përcjell Gazeta Express.
‘’Së pari edhe udhëheqësit e LDK’së, edhe deputetë të tjerë, duhet të merremi vesh për të gjitha, edhe publikisht tek ju. Dhe ju e mbani mend që n pranverën e këtij viti me patën kritikuar mua, që e zgjodhëm kryetarin e kuvendit, qeverinë pa u takuar me ta. Ne kemi reflektuar dhe kemi vepruar ndryshe kësaj radhe, s’po e konstituojmë asnjë institucion pa u takuar, siç ka qenë kritika e tyre. Unë i kam mbajtur shënim të gjitha kritikat që na i kanë dhënë, dhe tash natyrisht që po përfilli ato. Gjitha iniciativat për takim jam duke i marrë unë, unë dua bashkëpunim prandaj marrë iniciativa. Aktualisht takimet me LDK’në s’janë më lajme, por, takimet me PDK e AAK’në do të ishin lajme’’, ka thënë ai.
Kurti ka thënë se është në komunikime të drejtpërdrejta me kryetarin e LDK’së, Lumir Abdixhikun.
‘’Ne jemi në komunikime të drejtpërdrejta me LDK’në, pra me kryetarin Abdixhiku s’kam ndërmjetësues, sa më herët që ecim përpara aq më mirë. Duhet ta kuptoni që nuk janë gjëra të thjeshta këto”, ka thënë ai.
The post Ironia e Kurtit: I kam shënuar të gjitha kritikat që na i kanë dhënë në pranverë, kemi reflektuar po veprojmë ndryshe appeared first on Gazeta Express.
