Pas mbi 70 rasteve të helmimit si pasojë e ushqimit të ngrënë në “Sach Pizza”, Agjencia e Ushqimit dhe Veterinarisë ka shkuar në depot e kësaj kompanie për inspektim.
Gjatë tri inspektimeve brenda një jave, inspektorët gjetën vezë të dyshimta dhe bakterin koagulazë në salcën e bardhë, i cili mund të shkaktojë helmim me simptoma si të përziera, të vjella dhe diarre.
AUV mori vendim që “Sach Pizza” të ndalojë prodhimin e këtij produkti, ndërsa më 24 korrik u bë asgjësimi i 234 litrave salcë të bardhë dhe 1.070 kokrrave të vezëve.
