Instituti Hidrometeorologjik i Kosovës ka bërë të ditur se sot parashihet mot me vranësira të ndryshueshme dhe intervale më të gjata me diell, si pasojë e stabilizimit gradual të kushteve atmosferike.
Në njoftimin e këtij instituti thuhet gjithashtu se temperaturat maksimale të ditës pritet të arrijnë nga 19 deri në 22 gradë Celsius.
“Të dielën parashihet mot me vranësira të ndryshueshme dhe intervale më të gjata me diell, si pasojë e stabilizimit gradual të kushteve atmosferike. Temperaturat minimale do të lëvizin ndërmjet 6–9°C, ndërsa maksimalet e ditës pritet të arrijnë nga 19 deri në 22°C. Era do të fryjë e lehtë deri mesatare nga drejtimi i juglindjes”, thuhet në njoftimin e IHMK-së.
