Trendi në rënie vazhdon – 197 pacientë që kërkuan ndihmë mjekësore për herë të parë u ekzaminuan dje në institucionet publike shëndetësore në Gostivar.
Sipas të dhënave nga institucionet publike shëndetësore në Gostivar, gjatë ditës së djeshme (23.07.2026) janë regjistruar gjithsej 197 pacientë të sapoekzaminuar, përkatësisht persona që kanë kërkuar ndihmë mjekësore për herë të parë, që tregon një rënie krahasuar me ditën e mëparshme, njoftojnë nga Ministria e Shëndetësisë.
“Në Spitalin e Përgjithshëm “Dr. Ferid Murad” Gostivar, janë regjistruar gjithsej 117 ekzaminime të reja, nga të cilat 82 në departamentin e sëmundjeve infektive (asnjë shtrim i ri në spital dhe tre dalje nga spitali), 40 në departamentin e pediatrisë dhe 7 ekzaminime në Qendrën e Urgjencës.
Në Qendrën Shëndetësore Gostivar, janë regjistruar 80 ekzaminime të reja në shërbimin e gatishmërisë dhe 13 thirrje në Shërbimin e Urgjencës Mjekësore”, thuhet në njoftimin e MSH-së./Telegrafi/
