Shoqata e Qumështorëve të Kosovë ka kërkuar që vaji i palmës të ndalohet në fabrikat e përpunimit të qumështit.
Në një reagim në Facebook, kjo shoqatë ka thënë se vaji i palmës po shkatërron fermat vendore.
“Vaji i Palmës është duke i shkatërruar dhe mbyllur fermat vendore , është duke e dëmtuar shendetin e konsumatorëve dhe duke i bërë të pa vlefshme skemat e përkrahjes Qeveritare .Prodhimet me vaj palme dhe Qumësht Pluhur janë duke e dëmtuar shumë rëndë edhe imazhin e prodhimeve vendore .- Qumështi i fermerëve duhet të grumbullohet në çdo cep të Republikës se Kosovës .- Çmimi i Qumështit të fermave të kthehet aty ku ka qenë . – Reduktimet pa asnjë arsye madhore të marrin fund”, thuhet në reagim.
Agjencia e Ushqimit dhe Veterinws ka kryer sot inspektim nw qumështoren “Vita”.
Sipas AUV gjatë inspektimit janë marrë mostra të qumështit UHT me afat të gjatë përdorimi, si dhe mostra të qumështit pluhur dhe vajit të palmës, të cilat janë dërguar për analiza laboratorike.
“Në bazë të verifikimit të dokumentacionit, kontrollit fizik të objektit dhe inspektimit të linjave të prodhimit, janë konstatuar mospërputhje me legjislacionin në fuqi. Është evidentuar se operatori ushtron veprimtari të përpunimit të qumështit në bazë të autorizimit përkatës, ndërsa në objekt janë instaluar edhe linja për prodhimin e produkteve me origjinë shtazore dhe me bazë qumështi, duke përdorur qumësht pluhur, vaj palme dhe lëndë të tjera ndihmëse. Po ashtu, subjekti disponon sasi të konsiderueshme të lëndëve të para dhe produkteve, përfshirë qumësht UHT, qumësht pluhur, proteina qumështi, hirrë qumështi dhe vaj palme”, thuhet në komunikatë.
Ndërkaq pas inspektimeve, drejtori gjeneral i “Vitës”, Artan Spahija, njoftoi për mbylljen e qumështores.
“Nga sot ne nuk pranojmë qumësht. Nga sot ne e mbyllim fabrikën deri në vendimin e radhës”, ka thënë ai para stafit dhe mediave. “Vendimi është deri sa këta të dalin me vendim publikisht dhe me rezultate e të gjitha”.
