Arrestohet shoferi nga Shqipëria që goditi për vdekje me veturë policin në Vërmicë
Një zyrtar policor ka ndërruar jetë pas goditjes që ka marrë nga një veturë në pikën kufitare në Vërmicë, shkruan Zeri.info.
Policia e Kosovës në raportin ditor ka bërë të ditur se ngjarja ka ndodhur në ora 02:40 të ditës së sotme, përderisa thekson se, i dyshuari ka qenë shtetas i Shqipërisë, i cili është dërguar në mbajtje.
“Në vend ngjarje kanë dal të gjitha njësit relevante, ndërsa vdekjen e viktimës e ka konstatuar mjeku kujdestar. Me vendim të prokurorit trupi i pa jetë dërgohet në IML për obduksion, ndërsa i dyshuari dërgohet në mbajtje”, njofton Policia.
Raporti i plotë i Policisë, pa ndërhyrje:
AKSIDENT TRAFIKU ME FATALITET
PPK Vërmicë 29.06.2206-02:40. Raportohet se një person është godit nga një veturë të cilën e drejtonte i dyshuari mashkull shtetas i Shqipërisë. Në vend ngjarje kanë dal të gjitha njësit relevante, ndërsa vdekjen e viktimës e ka konstatuar mjeku kujdestar. Me vendim të prokurorit trupi i pa jetë dërgohet në IML për obduksion, ndërsa i dyshuari dërgohet në mbajtje. /Zëri
